നിഴലുകളെ പിന്തുടര്ന്ന് അവശയായിരിക്കുന്നു
എന്നിലേക്കെത്തുന്ന വെളിച്ചം മറഞ്ഞ്
വെറും കറുപ്പു പടര്ന്ന തണലും തണുപ്പും
തത്വങ്ങളുടെ , ബന്ധങ്ങളുടെ, യാത്രകളുടെ
എല്ലാ നിഴലുകളും കൊഴിഞ്ഞു വീണ്
സൂര്യസ്പര്ശമേല്ക്കാതെ വാത്മീകമായി
ഒടുവില് ഒരു നാള് നിഴലുകള്ക്കും തുളകള് വീണു
വാത്മീകത്തിനും....
ഇപ്പോള് വെള്ള തൂവലുകളുള്ള
ആകാശമുയരുന്ന ഒരു പക്ഷിയായി
നീലിമയില് എങ്ങോ സൂര്യനെ തൊട്ടുവെന്ന പോലെ..........
No comments:
Post a Comment