Kathmandu വിലേക്കുള്ള 6 മണിക്കൂര് നീണ്ട യാത്രയില് ഞങ്ങളുടെ പ്രിയ സുഹൃത്തായ നമ്രതയാണ് മലെഖുവിലെ മത്സ്യങ്ങളെ പറ്റി പറഞ്ഞത്. Kathmanduവിനും Pokhara യ്ക്കും ഇടയിലെ ഒരു ചെറിയ പട്ടണമാണ് മലെഖു.. പോതുവേ നേപ്പാളില് മീന് വിഭവങ്ങള് രുചി കുറവാണ്, എല്ലാം തടാക മത്സ്യങ്ങള് ആയതുകൊണ്ടാവാം അങ്ങിനെ..എങ്കിലും നമ്രത പറഞ്ഞപ്പോള് ഒരു കൊതി തോന്നി , കാരണം ഇവിടെ മീന്കറിയും അവിലും ആണ് കോമ്പിനേഷന്...വഴിയരികുകളില് നിറയെ ചെറിയ കടകള് , എല്ലായിടത്തും മീന് വറുത്തും കറി വച്ചും സ്ത്രീകള് വില്പനക്കിരിക്കുന്നു..ഒരു കടയില് കേറി ഓര്ഡര് ചെയ്തു..ആവി പറക്കുന്ന മീന് കറിയും നല്ല ചൂടുള്ള അവിലും..നമ്മള് മീന്കറി ചോറില് ഒഴിച്ച് കഴിക്കും, പക്ഷെ ഇവിടെ അവില് കറിയിലേക്കാണ് പകരേണ്ടത്..സംശയങ്ങള് ബാക്കിവച്ചത് വെറുതെയായി ...അത്രയും രുചികരമായ കോമ്പിനേഷന്..വീണ്ടും ഒരു പ്ലേറ്റ് കൂടി ഓര്ഡര് ചെയ്തു....വലിയ മണ് അടുപ്പുകളില് എപ്പോഴും തിളച്ചുമറിയുന്ന എണ്ണ, ആവശ്യമെങ്കില് വലിയ കൊട്ടകളില് വില്ക്കാന് വച്ചിരിക്കുന്ന ഉണക്കിയ മീനുകള് അപ്പോള് തന്നെ നമുക്ക് വറുത്തു തരും..ഉപ്പ് അല്പം പോലും ചേര്ക്കാതെ ഉണക്കിയ മത്സ്യങ്ങള് ...അതും കൂടി പാര്സല് വാങ്ങിയാണ് യാത്ര തുടര്ന്നത്..
